<?xml version="1.0" encoding="UTF-8"?><song><author>رامز إسحق, رامز اسحق</author>
<title>وسط ظروف البلد</title>
<lyrics>[V1]
 1- (وسط ظروف البلد الدايرة .. رايحة لفين أهي ماشية وسايرة
 كل الناس قلقانة وحايرة .. وأنا متصان فيها ومتطمن)2
 القرار- (أنا متصان فيها ومتطمن .. أصل إلهي عليها مهيمن
 يحصل مهما هايحصل فيها .. أنا متشال في عينيه ومتأمن)2
 2- (أخبار قتل وموت وجريمة .. والأمان بقى موضة قديمة
 والإنسان أصبح بلا قيمة .. وأنا بدم يسوع متمن)2
 3- (ضربة من ضرباته زمان .. صارت الضلمة في مكان
 وبيوت شعبه في نور وأمان .. قلبه على شعبه بيتحنن)2
 4- (مين يمسكها ومين يرأسها .. لو حتى هايعيد تأسيسها
 مش هاشغل بالي ولا أدرسها .. ولا هافضل أفكر وأخمن)2
 5- (هو بإيده ماسك الدفة .. وماعندوش أحداث بالصدفة
 مهما عدو الخير يتخفى .. الترتيب من فوق متزمن)2
 6- (هو نوري وخلاصي ليَّ .. هو حصني في طول ليالي
 مين يؤذيني ويقوي عليَّ .. لو حتى في هلاكي يفنن)2
 7- (يعزل ملوك وينصب غيرها .. والأزمنة هو يغيرها
 لو قال كلمة مين يكسرها .. واللي يفكر يبقى إتجنن)2
 8- (بلدي مباركة ده صوته ووعده .. وقت الضيق هايعدي وبعده
 جاي المجد بفرحة وسعده .. اللي مصدق وعده يأمن)2</lyrics>
<hymn_number>7098</hymn_number>
</song>